Өздеріңіз білетіндей,» Мектеп «баспасы бастапқыда «Қазақ мемлекеттік оқу-педагогикалық баспасы» деп аталды. Осы атауға сәйкес, құрылған күнінен бүгінгі күнге дейін баспа әдебиеттің ең күрделі түрі — мектеп оқулықтарын шығарады.
Сексен жылға жуық уақыт бойы баспа республиканың білім беру саласында табысты еңбек етіп, оқулықтар шығарды.

Баспа 2016 жылдан бастап жаңартылған мазмұндағы оқулықтар мен оқу құралдарын шығаруға кірісті.
Бұл оқулықтар мен оқу құралдарының ерекшелігі білім беру сапасын жетілдіру, оқыту әдістерінің тиімділігін арттыру, сондай-ақ барлық ұлттық және жалпыадамзаттық құндылықтарға ие, заманауи өлшемдерді ойлауға қабілетті, әлемдік стандарттар негізінде жұмыс істей алатын тұлғаны қалыптастыру болып табылады.
Бүгінгі таңда өз тарихында зор зияткерлік және кәсіби тәжірибе жинақтаған біздің баспа оқушылардың функционалдық сауаттылығын қалыптастыратын 1–11-сыныптарға арналған жаңартылған мазмұндағы оқулықтар мен оқу құралдарын әзірлеу және басып шығару арқылы білім беру жүйесіндегі ауқымды мемлекеттік іске елеулі үлес қосуда.